麗思咖啡廳

营业中

休息中

好耐冇過去澳門食嘢，我覺得澳門嘅五星級酒店物價比香港平好多，於是就去咗麗斯卡爾頓咖啡廳試吓。服務人員好細心介紹是日推介嘅菜品，又會問我同朋友有冇食物敏感嘅情況，於是推介左蘋果片泡沫煎鵝肝、紅酒炆牛肉蘑菇配薯蓉同香煎三文魚配西班牙米飯。坐低之後即刻會有餐包同牛油附上，餐包可以無限添加，而佢哋嘅牛油都係手做，加入咗忌廉色食嘅時候更加creamy。我都幾鍾意佢哋煎鵝肝呢個前菜，加入咗蘋果之後酸酸甜甜都幾得意，而且好開胃。紅酒炆牛肉就整得太冧，雖然好香紅酒味，但我唔太鍾意呢個口感。而三文魚嘅魚油好香，配埋西班牙米飯成個餐就啱啱好夠飽。整體嘅服務好流暢，而且服務員好細心，價錢會稍為偏貴，但都符合食物嘅質素。