影片
更多
2010-12-19
32 浏览
上年男友生日, 跟果d澳门天书介绍, 黎到"诚昌"食出名既水蟹粥同炸墨鱼丸,食完后, 觉得真系介绍得唔错, d粥绵绵地, 有蟹既鲜甜味, 又够料, 食完一碗又一碗, 至于墨鱼丸上次佢俾我地双拼, 拼炸鲮鱼球, 两者都好好食, 好弹牙, 满足既一餐;琴晚连同男友同哥哥阿嫂再次去澳门揾正野食, 劲想食水蟹粥, 所以去到官也街, 谂都无谂照去"诚昌", 想再尝尝上次食到回味既粥,点知一坐低, 个侍应劲催我地食乜, 大佬, 我地连餐牌都未睇, 就系咁问, 我地睇左一阵, 叫左水蟹粥丶豉椒炒花甲丶炸墨鱼丸拼鲮鱼球丶椒盐田鸡,个侍应又问我地无喇, 我地话暂时食住先, 佢就话一阵间叫等好耐架㖞,又系咁hard sell咩豉椒蒸鳝, 我地又唔想食鱼, 所以无叫, 跟住佢就面黑黑走左去, 劲粗鲁咁dump低张单, 佢d态度极度差, 非常差, 受佢气咁; 心谂算, 可能佢地太忙, 所以发霉气, d野好食咪得喇, 见到第一碟喇, - 唔够热, feel到佢地系一早整定晒, 有人要就先上碟出菜,但墨鱼丸都尚算好食, 都弹牙; 但果个炸鲮鱼球, 真系完全无味, 问佢攞蚬介酱,佢gup左张枱好耐, 等左几分钟先
食完后, 觉得真系介绍得唔错, d粥绵绵地, 有蟹既鲜甜味, 又够料, 食完一碗又一碗,
至于墨鱼丸上次佢俾我地双拼, 拼炸鲮鱼球, 两者都好好食, 好弹牙, 满足既一餐;
琴晚连同男友同哥哥阿嫂再次去澳门揾正野食, 劲想食水蟹粥,
所以去到官也街, 谂都无谂照去"诚昌", 想再尝尝上次食到回味既粥,
点知一坐低, 个侍应劲催我地食乜, 大佬, 我地连餐牌都未睇,
就系咁问, 我地睇左一阵, 叫左水蟹粥丶豉椒炒花甲丶炸墨鱼丸拼鲮鱼球丶椒盐田鸡,
个侍应又问我地无喇, 我地话暂时食住先, 佢就话一阵间叫等好耐架㖞,
又系咁hard sell咩豉椒蒸鳝, 我地又唔想食鱼, 所以无叫,
跟住佢就面黑黑走左去, 劲粗鲁咁dump低张单, 佢d态度极度差, 非常差, 受佢气咁;
心谂算, 可能佢地太忙, 所以发霉气, d野好食咪得喇, 见到第一碟喇,
[1) 炸墨鱼丸拼鲮鱼球 - 唔够热, feel到佢地系一早整定晒, 有人要就先上碟出菜,
但墨鱼丸都尚算好食, 都弹牙; 但果个炸鲮鱼球, 真系完全无味, 问佢攞蚬介酱,
佢gup左张枱好耐, 等左几分钟先有, 无野嘛, 食鲮鱼球梗系跟蚬介喇,
你无拎黎, 我问你拎番有咩问题, 如果冇左蚬介, 呢碟野简直系无味;
2) 椒盐田鸡 - 田鸡size都ok大, 但个调味完全唔得, 无椒盐味, 又无获气,
好唔成气候, 个厨师煮得好拿西;
3) 水蟹粥 - 久等既水蟹粥一见个卖相已知唔掂挡, 好似兜白粥咁,
稀巴巴咁, 劲水啰, 又无咩膏, 食多啖都觉得浪费左个胃既quota, 真系失望之极 =.='
4) 豉椒炒花甲 - 又系另一揾笨之作, 叫得花甲应该系比蚬大,
但唔系啰, 佢仲细过d蚬, 成碟野d蚬肉都唔知有冇三份一,
一上枱, 我就系咁整走d壳, 整极都仲有, 个谷就大, d肉丁屎咁大, 呃钱既;
黎澳门梗系食好野架喇, 点知去到"诚昌", 美食就食唔到喇, 一肚气就有,
service差唔更要, 但连d食物都差到咁, 真系唔明点解仲有人去食啰,
包纸巾又收$2, 呢d真系名副其实贴钱买难受, 个味雷同个胃受罪,
带住失望离去, 之后去左隔离食鸡炖翅同去远d食蟹子面同再食蟹粥,
果两到d食物好食好多, 详情我会再写(因真系好食, 我会有埋相片介绍),
原来呢间野换左老板, 难怪d野难食左咁多喇, 唔该做一个有良心既老板喇,
拎d咁既野俾人食, 摆明系呃钱, 我未试过系网上批评d食肆,
但真系好难食, 忍唔住一到香港即刻上黎写comment,
同埋唔该教下班伙记喇, 个个态度劲差, 话晒服务性行业,
我地点都系顾客, 作为一个游客区餐厅, 呢点咁简单都做唔到, 真系好极有限,
各位朋友, 最后一句, 去呢间餐厅之前, 记住三思呀, 除非你嫌钱腥喇 !!!!!!!!!!!
张贴