亞蘇廚房 (已結業)

亚苏是我地学校系外卖app上面点得最多，推荐得最多嘅店。今日终于一试。点嘅系凉拌皮蛋，热奶茶，生牛肉河粉。先讲凉拌皮蛋啦，一只十几mop唔算好贵。用嘅系川菜嘅凉拌味型，麻辣＞酸辣。有花椒粉辣椒粉同埋大大粒蒜头，蒜肉好香但系唔辣口，辣味等级(我劲食得辣，仅供参考)。热奶茶不过不失，基本醇香口感都有，但系又唔系话非试不可嘅程度。最后讲下主角生牛肉河粉。粉底系正宗越南干河粉，几顺滑，品质唔错。牛肉片得好薄好大块浸入热汤九成熟，入口香而唔腥汤底系清高汤，十分满分我比八点五。扣分扣系汤底加佐洗过味嘅冬菜，感觉有少少潮汕式，稍微缺少越式独有嘅草本香料味。值得一提嘅系，小米椒，青柠同罗勒叶系分开用密封袋装住冰鲜，落唔落，落几多，全凭客人决定，十分人性化。配料食材都好新鲜，为味道增色不少