萬豪中菜廳 (已結業)

第一次入住澳门万豪酒店，由于到埗已经晚上九点多，故就近选了酒店的中菜厅晚饭，入座后点了招牌菜黑豚里脊义烧、醉乳鸽、凉拌山药、炒米粉与及两客蛋白花雕蒸蟹拑。首先上菜的义烧居然系放凉咗，完全唔热，跟住醉鸽酒香欠奉，韧劲有余，山药就入口松散，有如食紧煲完汤嘅薯仔，淡而无味，最离谱系个蟹拑，居然仲细个一个小汤匙，好似奄仔蟹拑一样，系历来食过嘅同样菜式中最䄂珍嘅一只，当堂O咗咀，仲要盛惠$218一客，好彩系两公婆食饭，若然请客，真系失礼死人！以一间国际品牌酒店嘅中菜厅嚟讲，真系完全唔掂，相信以后都唔会再帮衬！