樂宮美食中心

营业中

休息中

年30去澳门住左晚酒店，初一中午要去饮茶拜年。早左起身，但食早餐又好似太饱；谂左一轮，都系落楼睇下有乜好食。最后去左乐宫，谂住叫少少野一家三口share食。见到佢有猪润水㖞，就同老公倾两份饮，再加多个公司三文治一家三口食。仔食2件，我同老公一人一件加饮猪润水。计落岩岩好，唔饱又唔饿，转头唔够一个钟又食Lunch啰。个公司三文治又几正㖞，跟薯条，重要有厚身牛扒同鸡扒的，咁先系70几蚊,重要包饮品。感觉比香港茶餐厅4-50个一份无乜睇头既公司三文治黎讲抵好多；比香港有D食店排到好靓既公司三文治黎讲系超抵食。牛扒系劲淋，系劲多松肉粉既牛扒；味系差D，但卖相同份量真系唔错，系惊喜黎。另外猪润水，我食完先记得冇影相呢。真心好奇，佢到底系一早煮定？有人叫先煮？好好饮㖞，好够味，但猪撋又冇溶晒，重有好多块系度可以食，而且系煮得岩岩好，唔会觉得佢干难食的。本来以为咁样三份share食唔会好饱，晏少少饮茶都冇问题。结果公司三文治系出奇地饱肚，到饮茶时，真系食唔到几多呢。