大良李禧記崩沙

营业中

休息中

去完大龙凤茶楼，无几远就见到大良李禧记。朋友见到婆婆门口摆晒档，好似用水牛奶即整姜汁撞奶同双皮炖奶；香港几何见到即席示范，于是分别柯打每样一碗分食，攞张胶凳坐喺舖头入面慢慢食。姜汁撞奶--婆婆好有心机煮水牛奶，用个碗先倒姜汁，再揾热奶撞。第一次食水牛奶感觉好滑，奶中带有姜汁既清香，落口非常暖胃。双皮炖奶--婆婆一边煮水牛奶，另一边喺雪柜攞盒预制双皮奶出嚟，拎去微波炉翻「叮」，真系令我大感意外。不过，食落依然滑溜，够晒奶香。呢间舖既大良崩沙同样出名，仲有瓶装大良牛乳，钟意食既可以当手信买返香港。