晃記餅家

营业中

休息中

澳门行程第3日，预定下午返香港，要买手信比屋企人，朋友就要买埋同事𠮶份。屈指一算派比朋友食都系晃记饼家好，贪佢有散装卖，合乎经济效益。我自己买咗2包杏仁饼，2包红豆饼，2包肉切酥同1包猪油糕。杏仁饼$16--食过几次，发觉啲杏仁大细粒无标准，炒得系几香；饼身绿豆粉太重，细咬有杏仁味，较甜亦容易碎。红豆饼$24--红豆蓉少咗，饼皮厚咗；个馅其实几好食、好有红豆味，酥皮比以前更酥、可惜酥皮依然有硬块。肉切酥$10--招牌货，够脆有南乳香，不过好似细块咗。猪油糕$12--一般行货，又唔见晃记标签，应该系非自家制成品。今次系老板娘帮我地执柯打，好快手同有礼貌。虽然系早上，都有人排队买饼架。