六記粥麵

营业中

休息中

由十六浦索菲特酒店沿马路北行约10分钟便到沙梨头仁慕巷。呢条小巷有2间驰名食店，包括细龟炒河既华轩美食及今次晚饭既六记粥面。六记粥面好多客，我同朋友坐正厨房出入口。个场虽然有伙计，但系互相闲聊多过为客人服务，我地揾个伙计落单都唔容易，左推右推先有个人埋来落柯打。虾子捞面$19--虾子咸香，竹升面弹牙，质数超祥记一班，起码个虾子捞面唔会湿漉漉。卤水凤爪猪大肠$34--凤爪炆到好稔，入口易吮；大肠就比较过火，有点泡。炸米通鲮鱼球$35--鱼肉弹牙有嚼劲，米通脆口，随上蚧酱则略咸。生滚水蟹粥$110--有只半水蟹，够鲜味。粥底香甜软绵，食不口渴。埋单$198，的确抵食物超所值。