世記咖啡

营业中

休息中

有三间分店，因为多数都会去官也街，所以好顺路去左氹仔外卖店。当日系平日都好多人排队，落完单可以去官也街行吓，唔洗等得咁辛苦。大家买完多数企系附近食。。花生奶油方块 $32有惊喜十分推介！多士切左方形，一口size, 烘得啱啱好。落左劲多花生酱同奶油，花生浆唔会好杰。多士吸哂啲浆，仲要落左威化饼脆脆。口感好正！。厚蛋多士 $24可以拣厚多士或者猪仔包。拣多士，谂住正常发挥，点知个蛋系有流心蛋浆😋。猪扒包加厚蛋 $38+12呢个就拣左猪仔包试吓，谂住好少猪扒包可以加蛋，所以试吓。猪扒唔算易咬，猪仔包偏硬。其实仲可以加好多配料，大家可以试下。。花生粗糖多士 $18见有个炭字，即系用炭炉烘。粗糖个口感好似有啲硬身脆脆，几好食但方块正好多。无位摆野食，食得有啲忙。虽然佢出名系炭炉咖啡，但见咖啡同奶茶都用胶樽装，好似唔够新鲜，所以无试。