影片
更多
2016-09-04
2263 浏览
话说之前试左个自助午餐，知道个质素大概点样，应该心息先系，但系发现个人都系心思思，唔试唔安乐𠮶种感觉，所以就决定去打开自己心目中的关口，哈哈。长遍大论嘅我就唔多讲，我相信好多人想知嘅系究竟晚餐同午餐的分别喺边到，个价钱贵左甘多，食嘅嘢系咪会靓仔好多呢，我依家就话比大家听。首先，冷盘的分别当然系最大嘅，亦系灵魂所在。冷盘有两种唔同品种嘅生蚝，服务员虽然系一路不停地开紧，但因为速度嘅关系，已经预先开左几盘喺度，d人就攞得超快，我谂都算系即叫即开的。至于味道，我就觉得海水味道较为重，属于细只的品种，肉质唔算厚，但都有口感，整体嚟讲都系合格之选。长脚蟹--超大只，好有噱头嘅长脚蟹，大到呢。。。我手臂肯定唔系幼𠮶种，你睇下只脚，大过我手臂。甘当然唔系只只都系甘大，系我比较好彩夹到只大嘅，一般的size就好似呢只嘅一半左右。至于有番甘大只，旧肉都有番甘上下，肉感十足。厚到你唔想食甘样。。味道就唔算好鲜甜𠮶种，但有蟹味，有肉汁，中意食长脚蟹人仕的首选。面包蟹--平时阿信屋都有得买，见人成日去扫货，今次我终于可以试下拒真身。睇落大大只，劲多膏，剩系食膏都已经够唒饱。至于肉方面，本人就唔太喜欢，无乜味道
长遍大论嘅我就唔多讲，我相信好多人想知嘅系究竟晚餐同午餐的分别喺边到，个价钱贵左甘多，食嘅嘢系咪会靓仔好多呢，我依家就话比大家听。
首先，冷盘的分别当然系最大嘅，亦系灵魂所在。冷盘有两种唔同品种嘅生蚝，服务员虽然系一路不停地开紧，但因为速度嘅关系，已经预先开左几盘喺度，d人就攞得超快，我谂都算系即叫即开的。
至于味道，我就觉得海水味道较为重，属于细只的品种，肉质唔算厚，但都有口感，整体嚟讲都系合格之选。长脚蟹--超大只，好有噱头嘅长脚蟹，大到呢。。。我手臂肯定唔系幼𠮶种，你睇下只脚，大过我手臂。甘当然唔系只只都系甘大，系我比较好彩夹到只大嘅，一般的size就好似呢只嘅一半左右。
至于有番甘大只，旧肉都有番甘上下，肉感十足。厚到你唔想食甘样。。味道就唔算好鲜甜𠮶种，但有蟹味，有肉汁，中意食长脚蟹人仕的首选。
面包蟹--平时阿信屋都有得买，见人成日去扫货，今次我终于可以试下拒真身。睇落大大只，劲多膏，剩系食膏都已经够唒饱。至于肉方面，本人就唔太喜欢，无乜味道。
龙虾--只可以话只只有番甘上下份量，堪称回本之选，大部份都好有肉，仲有膏。每个人第一次攞都起码攞两只，唔系甘中意食龙虾嘅，都捧左一下场。另外冷盘仲有d晏就无嘅青口，一共有6个选择，算系好多。
刺身比中午多左嘅就系北寄贝同红虾。红虾超正，好多膏，亦唔算细只。平时d自助餐都只系见到甜虾，呢到绝对高一筹。可惜每次只可以攞一只，要行好多转先可以够食。
热食方面比中午多3分一左右，今日就多左d羊架，烤猪扒，原件烧肉同几款唔同的小菜。值得一提系个火焰虾，特登开左个位比厨师即场煮。味道就中等，中式的小菜味，仲有好重的酒味。入面有好多配菜，例如葱，青椒，莞茜甘一齐煮，颜色鲜艳。
甜品方面就唔多觉有咩多左，只系种类唔同左，比较好食嘅就系我上次介绍过嘅杯子蛋糕同杨枝甘露，杨枝甘露整到好浓，好正嘅芒果味，奶味都好重，甜度适中。都系推荐的甜品之一。
晚餐相比午餐嘅价钱嚟讲，差不多系双倍价钱。我觉得最大嘅区别就系海鲜嘅头盘，所以中意食嘅，又可以食到有一定份量的系绝对抵的。唔系太食嘅就可以谂谂午餐，胜价比高。
张贴
