內港餐廳 (已結業)

次次去澳门都去船屋，今次朋友介绍附近嘅内港，一于同老婆去试吓。闲日12点半去到，一台客都冇，一路到我哋食到点几两点走人嘅时候都系冇第二个客！我哋呢餐埋单都唔使$200，佢哋点做？！我哋叫咗葡国腊肠($30)做头盆，加半只非洲鸡($55)同葡式焗马介休($75)。腊肠咸咗啲，不过几香口。非洲鸡做得几滑，但系唔辣。马介休就用咗好多洋葱同薯仔煮，好香，而且马介休本身唔系好咸，我哋最满意呢样。不过有样嘢真系唔系咁好，我哋原本想饮清水，但系同船屋一样，水都要收钱，而且要$12一杯，咁就梗系叫嘢饮啦。服务方面，d侍应态度好亲切，叫我哋四围参观，又主动帮我哋映相。