尚堂

营业中

休息中

尼间嘅抹茶卷我上网见到好多人都十分推荐！所以身为抹茶控嘅我又点能够唔会黎一试。我黎嘅时间其实已经过左营业时间，但老板都好好人咁欢迎我地入去，好好彩🙇🏻‍♀️🙇🏻‍♀️🙇🏻‍♀️而今次我地叫左抹茶卷同抹茶鲜奶。首先，尼个抹茶卷睇落去已经好有质感，而入面嘅抹茶忌廉分布好平均，色泽好靓！系我理想嘅颜色。果然，食左第一啖，我表示一定要买一条返香港。味道上，茶味十分突出而且浓郁。蛋糕嘅口感松软但唔系散，好有惊喜😍本人表示好中意。虽然佢地系小店，但系就好有质素！另外，尼位抹茶鲜奶亦都好有水准。因为佢地所以抹茶甜品同饮品都系用小山园，所以茶味十分浓郁，但又唔会盖过奶味，两者平衡得非常好！👍🏻甜度都很适中，非常适合我尼啲抹茶控！希望佢地可以黎香港开店啦，因为好难得见到有好食嘅抹茶卷🤦🏻‍♀️