倫記軟滑腸粉

营业中

休息中

今次黎澳门，纯粹系为左食一黎到就先去食个肠粉先！之前都未黎过架，系见有几个朋友介绍，就黎试一试啦！地点都算易揾，喺十六浦附近。舖头唔大，只系有两三张枱。我地一黎到，就叫左个葱花鸡蛋肠粉，系我地今次嘅其中一项必食食品。老板现场即做，先落个肠粉浆，蒸一阵，再加蛋同葱花落去，蒸多一阵就可以卷喇！完成品！薄薄嘅蛋同肠粉交叠住，卖相不错。先试下个原味先，个肠粉真系几滑，又有葱嘅香气，不过蛋嘅香同味道唔系好突出。食肠粉通常都要整色整水，加d豉油，加埋麻酱同甜酱，个麻酱都几香。依间肠粉店原来仲有卖烤鸭架，下次叫多几个人一齐黎试下先！