三元粥品專家

营业中

休息中

初初知道佢只系开早市同晚市，心谂唔通佢真系唔忧做?!食完之后，心服口服！我同朋友两个一个叫左猪肉丸粥，一个叫左牛肉丸粥，自制双并~因为爆场，我地坐左响一入门口第一张，虽然同个炉都有几个身位，但系都觉得几热，真系佩服阿姐佢一边对住几个炉，一边叮叮当当咁用个"更"打肉丸，阿姐！佩服!!!猪肉丸粥：都唔系好似d旅游书咁讲得咁大粒jei，比起平时既肉丸粥大粒左些少，咬落去不得了！真系弹牙又多汁～！一d都唔鞋口，正！！粥底又绵又鲜甜，因为佢一pen粥落左好多粒肉丸一齐滚，几碗一齐煲，所以特别鲜甜牛肉丸粥：又系弹牙又多汁～不过比起猪肉丸，呢个就鞋左些少，同埋个粥底唔够猪肉丸o个个鲜甜，朋友话：都系同一煲jei～　嘻嘻！谂落又系㖞，之但系我真系食到唔同丫嘛！猪肉丸粥真系好味d哩！品尝美食之际，见到有个哥仔劲催单，阿姐都同佢讲左几次话佢个碗要九粒牛肉一齐滚，要全熟先可以比佢，一定唔可以急，讲完之后阿哥仔都系劲催，个阿姐话:你等唔到就唔好食啦！ 阿姐劲型！