奧旋自助餐 (裝修中)

老公生日黎澳门行下食下野，上网订左套票船飞加晚餐自助餐都系五百几蚊， 10分抵自助餐时段六点开始，最晏可以食到十点，我哋去𠮶日系闲日，人流唔算多，所以唔使排队，可以慢慢食食自助餐最紧要当然系海鲜啦，海鲜包括有青口、蛽、龙虾仔、海虾、海螺，当然最紧要系长脚蟹啦，海虾最正，长脚蟹都可以，其他都系麻麻⋯海鲜隔离仲有刺身，虽然只有三文鱼、八爪鱼同希灵鱼，不过都算新鲜⋯之前就轮到我最钟意食嘅羊扒同牛扒，在场师傅好细心问你嘅需要，供应你需要嘅份量仲有几款酱汁选择，羊扒好好味，不过略嫌熟咗少少⋯野食仲有沙律、各款芝士、中式点心、热盘等等最后重头戏当然系甜品啦，呢间自助餐嘅甜品款式好多，而且有啲都颇有新意（虽然我都系最钟意食classic嘅款）特别推介迷你心太软，虽然有几份拎𠮶阵啲流心已经爆左，不过味道依然正最后讲下员工服务，人手足够，可以尽快留意需唔需要收盘或者要唔要加水，值得一赞！