澳門氹仔林記燒烤

营业中

休息中

谂住去澳门食宵夜，网上好多介绍嘅都系乜乜大排档，好多都开得唔夜。见到呢间林记烧烤开到凌晨四点，啱晒，食完晚饭就过去。嚟港珠澳大桥搭的士去大约$70，位置有少少隔涉，系住宅区楼下，兜咗一阵先揾到。叫咗佢嘅signature 葡式冻虾，系唔错嘅，虾够弹牙，出色位系个酱汁，有parsley，生洋葱，橄榄油同醋，酸酸辣辣，好开胃，但性价比好低，6只唔算大嘅虾要$125。再嚟都系signature 嘅芥末羊架，叫咗细份，有三件，唔算大，食落芥末味好浓，甜甜地，好食，但件羊架有少少肥，不过好juicy。呢个咖喱牛脷正常发挥，用咗咸牛脷，腍得嚟有啲爽爽地，口感唔错。加咗个猪仔包沾嚟食，个包好好食，真系外脆内软，加上啲咖喱，好正。再叫咗一串烧粟米，系一条分开四旧，食到有牛油蜜糖味，好食。仲叫咗杯马来吉仔水，一杯雪碧同一枝青岛，两个人埋单$4xx。 整体嚟讲系一间味道唔错嘅小店，不过某些菜式价钱稍高，都值得再帮衬。