澳門氹仔林記燒烤

营业中

休息中

嚟咗澳門咁多年，都係第一次食哩間林記，第一道菜葡式凍蝦，開胃d洋蔥勁好味，第二道咖哩牛腩，我哋一人食咗個豬仔包點咖哩，份量勁充足，香口勁惹味又食漏口，第三道跟住係大蜆，同行人話超有驚喜，牛油香草汁底，不過呢間真係勁好食，第四道香脆乳豬小小飯，皮脆肉嫩，兩個人飽到傻咗，再加支大啤🤤性價比極高，一定會再嚟幫襯🤩

諗住去澳門食宵夜，網上好多介紹嘅都係乜乜大排檔，好多都開得唔夜。見到呢間林記燒烤開到凌晨四點，啱晒，食完晚飯就過去。嚟港珠澳大橋搭的士去大約$70，位置有少少隔涉，係住宅區樓下，兜咗一陣先搵到。叫咗佢嘅signature 葡式凍蝦，係唔錯嘅，蝦夠彈牙，出色位係個醬汁，有parsley，生洋蔥，橄欖油同醋，酸酸辣辣，好開胃，但性價比好低，6隻唔算大嘅蝦要$125。再嚟都係signature 嘅芥末羊架，叫咗細份，有三件，唔算大，食落芥末味好濃，甜甜地，好食，但件羊架有少少肥，不過好juicy。呢個咖喱牛脷正常發揮，用咗咸牛脷，腍得嚟有啲爽爽地，口感唔錯。加咗個豬仔包沾嚟食，個包好好食，真係外脆內軟，加上啲咖喱，好正。再叫咗一串燒粟米，係一條分開四舊，食到有牛油蜜糖味，好食。仲叫咗杯馬來吉仔水，一杯雪碧同一枝青島，两個人埋單$4xx。 整體嚟講係一間味道唔錯嘅小店，不過某些菜式價錢稍高，都值得再幫襯。

一齊同屋企人去食澳門林記燒烤啦，我嗌咗芥末羊架、咖哩牛肉、蔬菜同豬仔包先講芥末羊架，真係好正啊！羊架燒得剛好，咁啱啱好熟，肉質鮮嫩多汁。配上芥末醬，夠辣夠香，令味道更加突出。真係令人回味無窮，係我最愛嘅一道菜！至於咖哩牛肉，就冇乜特別啦。味道中規中矩，咖哩醬味唔夠濃郁，冇乜驚喜，算係普通嘅一道菜。豬仔包味道唔錯。皮香脆，好味。至於店鋪環境，就較普通啦，冇乜特別。冇咩裝修，就係一個簡單嘅燒烤店。坐落位置有啲難揾，要耐心搵。

很久沒有去林記燒烤，很懷念那一道自虐又好味的香草芥末羊架，一落船立即去食宵夜。2個人只點了以下食物，但已經好足夠 ﹕香草芥末羊架 –羊架烤得好靚，表面灑上麵包糠，中間塗了蜜糖芥末醬，肉質烤至約7成熟呈現嫩嫩的粉紅色。肉質保持彈性沒有騷味，份量超足的蜜糖芥末醬，可以達至鼻塞也暢通的境界。但甜甜的蜜糖醬，令我吃了仍想追吃第2件。真心推介必吃之選。葡式凍蝦 – 一共有6隻已脫殼的蝦圍住碟面，大大隻爽口彈牙。碟底洋蔥粒酸酸甜甜醒胃生津。串燒雞軟骨 / 鹽燒雞翼 - 師傅功力深厚，雞軟骨燒至乾身脆口，雞翼燒至皮脆肉嫩，還帶有肉汁。炭燒牛肋骨 – 因為本人不吃牛，不過朋友說好味有牛味抵食的。桔仔冰 – 帶清新桔仔香氣不太甜，還有粒話梅吊味，夠凍解暑 特別一提澳門氹仔林記燒烤不是在氹仔的，是在澳門本島，千萬不要被它的名字誤導去錯地方。

見港珠澳大橋 開通左, 就周圍揾下有咩食,  發現林記燒烤 網上評價話性價比唔錯.就作為行程的最後一餐.一去到 店面唔係好大, 但都坐左7,8成. 服務員安排坐樓上的坐位, 冇咩裝飾但環境干淨咖哩崩沙牛腩 $80 , 燒 wasabi 羊架 (唔記得),  同燒鮮尤 ($130) 推介一定要食.咖哩汁香濃, 小小甜小小辣, 牛腩口感幾好,配包配飯食一流, 羊架配上wasabi , ,  口感幾好, 主要係靠佢二個汁 調味. 抵食.食飽飽之後就出街口 坐 102X 二個站就到港珠澳大橋 返香港. 嘩 好方便.店鋪係內街入邊, 唔識路就路在口邊.

由以前朋友介紹 到現在來澳必去. 雖然位置在居民區，但價錢地道.但巴士🚌也 十分方便.我去的時候是中午還有優惠.晚上他們說比較忙 所以冇.1.咖哩牛腩 配豬仔包 最初朋友就係大推這𥚃的咖哩，大大份夠我地四個人食. 咖哩好濃 唔怕稀 應該用料幾足 送飯一流.牛腩半肥半瘦， 煮到軟滑 入口即溶.芥末燒羊架 肉嫩唔怕羶， 羊架上有一層小小烤焦左的芥未 有點攻鼻， 但同羊肉出奇的配合葡式凍虾大大隻又爽的蝦 配上甜甜酸酸的洋蔥碎. 我覺得係這裡的獨特之處. 我見識小 未食過這種味道法式炒藍貝 食得出有西洋腸，橄欖油，白酒. 可能仲有醋.個汁甜甜地，但又唔怕蓋住 藍貝殼的鮮味.份量也很多.葡式乳豬飯上次食有點肥，今次又唔怕，但覺得有點干 ，冇汁點. 味道不錯喜歡食蠔的朋友 可以點這個燒蠔這間店的食物 不是每程最好食 但卻是最喜歡的，不但出品不錯，服務也很好

今次遊澳門入住皇冠假日酒店, 剛好附近就有想試的餐廳, 它在openrice提供網上訂座, 很方便! 而且只要經openrice訂座, 餐廳會送一杯桔仔水。環境其實比相像中更茶餐廳feel, 即是舒適度打了折扣, 當下有點失望, 但既然來到, 就試試吧！今晚非常肚餓, 所以點了好幾個菜。葡式凍蝦 MOP$100蝦比想像中大隻, 肉質都很爽彈, 但不太鮮味, 反而下面洋蔥粒更有驚喜, 酸酸甜甜, 味道有點像酸菜, 很醒胃。咖哩牛肉配麵包 MOP$45/位咖哩偏辣, 但嗜辣的我覺得ok, 不過咖哩粉下太多, 吃起來粉味較重, 一般般。 牛肉份量多, 肉質不差。 位餐還配豬仔包1個。 豬仔包頗大個, 外層微脆, 中層鬆軟, 而麵包最內層雖有微微實, 不過整體都合格。薯殼焗扇貝 MOP$66扇貝放在連皮的薯仔片上焗成, 扇貝中型大小, 有鮮味, 還不錯; 薯仔片外層焗得微脆口, 吃起來像炸薯條, 香口好味, 不錯!薯仔蝦沙律 MOP$60來到時我們'嘩´了一聲! 怎麼份量上跟餐牌相片完全不相符!? 跟實物的有差呢！來到只有兩隻蝦, 每隻還要切開一半。 餐牌上是加了句'相片只供參考´, 但我想不

入到餐廳坐低員工知道我哋係係openrice到打咗座，就送咗一杯梅子桔仔水比我哋，但我哋2個人，都只送得一杯就有點...🙄杯桔仔水係幾好飲，最後都叫多一杯。2個人點咗3個菜，係完全食唔曬，太大份啦😅總結黎講佢哩3道菜都好好送飯，味道可以，適合一家人或一班朋友黎用餐。

一家人，3個專登去食，店面細細，環境尚可，服務亦可以。咖喱牛腩極好味，配豬仔包，已可以食到胞哂。盬燒螺，有D貴，但味道幾好，法式蜆，普通，燒羊脾肉抵食，唔羶。蜜糖燒豬手完全無得輸，蒜容炒雜菜又係抵食，性價比高，但條盬燒海立魚，好一般，桔子水正。總括嚟講，對得住個價，除左條魚。。。

香港人久唔久都喜愛過澳門行下、食下野。但如果次次都淨係係氹仔或者大三門附近搵食，有時都幾悶。今次問定住澳門嘅朋友推介左呢間！😍！先唔講食左咩，個價錢已經抵到爛！4個人食左一餐超級飽嘅晚餐，成張單唔使$400！最重要係如果用OpenRice 訂位，佢會送一杯梅子冰，甜甜酸酸夠晒開胃！🍽羊架配個芥辣醬真係冇得頂🍽厚燒牛脷係必食之選🍽咖哩好香又大份量，配香脆豬仔包真係絕配（🤣食到最後先記得豬仔包冇影相）因為碟頭大，其實4個人都唔係真係食到好多野，唯有食多幾次啦😂

自從轉左新工，壓力超大。除了每天加班，甚至周六日都返工，人都癲，趁假期到澳門走走，減減壓。訂左十一點船，諗住食兩點完全無問題，就係openrice度訂左兩點。上左船發覺可以食早d就改食1點半。原先諗住問題不大，咁就大穫啦。出左氹仔碼頭，我們先上發財車去海立方，再步行往外港碼頭轉乘巴士前往。依據訂座指示，3A與10B於海濱站下車是最方便。原來3A是有往關閘或司打口方向，由於我地唔識路，見有3A到站就上車問車長，往司打口方向是不對的;到有關閘問車長又被告知沒海濱站!!!不知何解，每個車長都好惡結果我們看車站轉牌看發覺真的沒海濱站於是擾攘一番後，見有車站職員問方知往關閘方向是對的。其時已過1點半30分鐘前已不能更改訂座時間。最後上了往關閘方向3A加上車長行錯路，於是當然遲上加遲下車後步行一段路找到林記，去到先say sorry，服務員小姐都依開飯給予9折優惠。然後登記我開飯資料(可惜最後收到開飯通知話本人取消是次訂座，奇怪)。Anyway，二人點了5個菜，分別有焗扇貝，馬介休焗飯(芝士)，葡式逼咸豬手，蒜蓉炒西蘭花同網民推薦的凍蝦。先說3隻焗扇貝，每隻22蚊的價錢略嫌貴了點。每隻有半隻薯仔釀

澳門美食特別多，燒烤店就好似無乜，朋友推介氹仔林記燒烤，即管上網搵下...首先發現，就係氹仔林記，原來係唔喺氹仔嘅...好努力喺網上搵，所有嘅地址都係澳門，氹仔一間都見唔到... 🤷🏻‍♀️🤷🏿‍♂️根據一美食網頁搵到地址，係關閘附近... 驅車前往，落車搵左幾條街都見唔到... 😨再搵又見到另一地址，以為好近，所以步行過去... 一行就係半個鐘...😅其間，經過大街見到一間無開門嘅氹仔林記燒烤，但仲睇睇地圖，應該未到... 所以，無理會，繼續行... 🚶🏿‍♀️🚶🏼🚶🏼‍♀️🚶🏿最終都搵到...✌🏻 🎉未坐低，就問店員，究竟邊個地址先啱，店員話關閘附近根本無分店🤥，而前面街嗰間就係裝修緊... 當我哋一輪懷疑，究竟有冇去錯假店🙄... 都唔理啦，太肚餓，叫嘢食...食物一上枱，就知道冇搞錯... 正～👍🏻👍🏻👍🏻😍😍😍唔講喇，睇相啦，每樣都咁正，色香味俱全... 醫番哂我啲腳骨力～🕺🏼燒牛舌，外脆內軟～大大舊馬介休，啖啖肉～炒椰菜燒羊架，酥脆到呢～葡式煮蜆～Openrice book位送嘅🍊仔冰... 爽～終極海濱花園八座～😂

不是第一次幫襯林記每次都嘆到美滿一餐先來一個椰青加桔仔梳打桔仔梳打酸酸地醒胃首先送來係出名嘅葡式凍蝦面頭舖滿酸味味洋蔥碎蝦身夠凍而爽身作為第一道前菜非常合適接住有芥末燒羊架面頭芥末夠刺激得來有甜味羊架燒得剛剛好肉身夠嫰而唔騷連一向唔食羊肉嘅女友都讚唔錯跟住有葡式煮蜆精妙之處蜆肉剛熟入口仲係滑劣劣芫荽味好香湯汁略為偏油整體係好食的薯殼焗扇貝算係平價菜式扇貝唔係新鮮活扇貝但連埋薯榖焗起一齊食絕不失禮香口而飽肚之選最後係全晚重點登場寫菜靚姐介紹嘅燒大眼雞成條原條燒魚身加左薑同蔥格外香魚皮表面撒左少少鹽來燒魚肉燒得好嫰滑鮮甜即使咁大條兩個人都可以幹掉實在太好味最終兩個人都食到捧住個肚走份外美滿敢講只有濠江先可以食到咁美滿嘅一餐

為了葡式凍蝦而來 - 林記燒烤澳門林記燒烤成名已久，我倆遙想也有成三四年無去過，今次來澳門特地揀間近關閘的酒店就是為了方便來這兒消夜。意想不到短短幾年林記已在黑沙環開了多間分店，出名程度可想而知，一踏進門口就見老闆同以前一樣已同朋友飲到面紅紅，真係十年如一日依舊咁飲得。開枝葡萄牙白酒$150﹐口味較淡身易入口葡式凍蝦依舊出色美味，蝦大大隻爽口入味，配料橄欖油洋葱碎其實才是真正主角，極香口，自己在屋企唔知點解整極都整唔到，我倆不經意地一口又一口，最後成碟清哂。孜然極尚牛味濃郁香軟亦夠辣，送酒一流，可惜是牛粒肉味不及當年濃香由於下午掃街關係，我倆今晚加多碟炒雜菜已飽哂。價錢幾年來都無咩變，但蝦$100得5隻就縮水了，味道同氣氛是很不錯的葡式燒烤店，下次多D人來再試多幾味先﹗

這是我第二次來到這裡，因為上次友人介紹，發覺是很值得回味同推薦俾其他人嘅餐廳，所以今次到訪澳門，一定要返尋味！由於不便打電話訂枱，所以我都係第一次用open rice海外訂枱功能發現原來同喺香港用法一樣，有確認電郵同埋提示電郵，非常方便。而且原來喺開飯度訂枱仲可以送桔仔冰...嘻嘻....正呀！我們一行三人首先叫了蜜味咸豬手，因為這個熱食的確好吃！皮脆肉香仲有蜜糖掃上面，這真的豐富了食物的層次。再來一客咖哩牛腩，其實我嫌佢辣嘅程度高左啲啲....不過我都頂住了，因為咖哩夠香濃，汁又多，送飯或者跟埋蒜包勁好味！我爸爸食過之後，第二日喉嚨仲有啲唔舒服添....唔知係咪辣得滯又無飲話梅桔仔冰呢？之後我地仲叫左燒咸牛脷，厚切已經好好味喇...啖啖肉又夠淋。而且食落好似唔肥嘅午餐肉咁，好得意呀！成餐飯點可以無蔬菜架....在餐牌上游走一輪，好像沒有特色蔬菜推薦，最後只好點了蒜蓉炒雜菜。誰知這趟低估了它！出奇地它的味道完全能在食物名稱上表現出來，簡單嘅一道菜已發揮得淋漓盡致！非常欣賞！