影片
更多
2008-12-28
56 浏览
虽然香港嘅台式饮品已经式微，但澳门而家先至系佢嘅黄金时期，COME BUY 正正系当中嘅俵俵者，佢喺澳门嘅普遍程度同香港嘅七十一差唔多，一个细细嘅区份都有三四间，行街一定见到，真系几犀利。澳门嘅 COME BUY 名字沿用台湾店名，意思大家都明白系「嚟买」，每一间分店嘅装修都一模一样，格局有啲似香港嘅 HAPPY LEMON ，净系做外卖，所以每间分店都唔会好大，成本平人流多自然赚钱快！听闻仲可以加盟添，唔怪得分店越开越多！近澳门嘅珠海而家都有分店嘞，唔知几时会开到嚟香港！我最近就试过佢其中两款饮品： 益力多水蜜桃：益力多味好浓，有啲盖过水蜜桃嘅味，不过都饮到水蜜桃一丝丝嘅果肉，又唔错㖞，味道配得几夹，益力多嘅酸同水蜜桃嘅甜令人越饮越想饮，最紧要系够大杯又够冻，解渴一流！ 金桔柠檬：柠檬味似乎系主角，金桔味道比较隐约，不过就见到有一粒粒金桔喺杯底，要拮散佢味道就会出嘞，咁就好味好多！呢杯金桔柠檬同之前𠮶杯益力多水蜜桃一样系酸酸甜甜嘅，不过味道清新啲，仲好饮！每一杯喺COME BUY买嘅饮品，面头封杯嘅招纸都几有特色，因为啲图案系唔同嘅， 大部份都系以运动项目做主题，好有活力！不过最抢眼
虽然香港嘅台式饮品已经式微，但澳门而家先至系佢嘅黄金时期，COME BUY 正正系当中嘅俵俵者，佢喺澳门嘅普遍程度同香港嘅七十一差唔多，一个细细嘅区份都有三四间，行街一定见到，真系几犀利。澳门嘅 COME BUY 名字沿用台湾店名，意思大家都明白系「嚟买」，每一间分店嘅装修都一模一样，格局有啲似香港嘅 HAPPY LEMON ，净系做外卖，所以每间分店都唔会好大，成本平人流多自然赚钱快！听闻仲可以加盟添，唔怪得分店越开越多！近澳门嘅珠海而家都有分店嘞，唔知几时会开到嚟香港！我最近就试过佢其中两款饮品：
益力多水蜜桃：益力多味好浓，有啲盖过水蜜桃嘅味，不过都饮到水蜜桃一丝丝嘅果肉，又唔错㖞，味道配得几夹，益力多嘅酸同水蜜桃嘅甜令人越饮越想饮，最紧要系够大杯又够冻，解渴一流！
金桔柠檬：柠檬味似乎系主角，金桔味道比较隐约，不过就见到有一粒粒金桔喺杯底，要拮散佢味道就会出嘞，咁就好味好多！呢杯金桔柠檬同之前𠮶杯益力多水蜜桃一样系酸酸甜甜嘅，不过味道清新啲，仲好饮！
每一杯喺COME BUY买嘅饮品，面头封杯嘅招纸都几有特色，因为啲图案系唔同嘅， 大部份都系以运动项目做主题，好有活力！不过最抢眼嘅都系佢哋嘅口号：YOU DRINK YOU WIN，几有品牌风格！喺 COME BUY 做嘢嘅全部都系后生仔女，招呼都几亲切，而且笑容满面，阳光十足，去买嘅时候都觉得自己后生咗呀！
张贴
