六記粥麵

营业中

休息中

由于一直有朋友推介我试试六记，我就今日一早去试下佢。未开门就已经排晒长龙，仲以为真系会食到好野。点知！入到去餐厅环境恶劣 座位好迫。其次可能人手不足，店员姐姐忙不停手冇人招呼客人。食饭方面，我就叫左一碗净云吞、一个细碗水蟹粥、一个招牌虾子𤏪面 、一个炸鸳鸯。佢出餐嘅速度就好快，但系味道方面就名大于实。云吞味道好似路边30蚊一碗云吞面嘅云吞，普普无奇，不值一提。水蟹粥鲜味不足，成碗都系水，冇咩粥。虾子捞面有少少惊喜，面身烟韧弹牙，虾子味香甜。虾子𤏪面系六记唯一可以推介。最后在炸鸳鸯方面，建议不要尝试。炸鲮鱼球虽然弹牙，但系落左太多味精粉。食完会非常口干。炸云吞只会食到大量面粉，云吞中的虾少之又少。基本上冇咩味，食完只会不停饮水，十分难受。同我搭枱嘅食客都跟我同一观感。最后餐厅老板管理餐厅出现问题，以我在餐厅1小时的食用体验。我观察到餐厅员工经常漏单。员工可能人手不足要做太多事情，所有经常招呼不到客人。再者埋单位经常无人驻守，客人都埋不到单。希望餐厅可以改善上述问题，精进食物品质。否则就对不起年年的米之连推荐。