錦華牛雜

营业中

休息中

呢间锦华牛杂喺同一条有几间分店，街头𠮶间仲要长期好多人排队，所以立刻排队先！就咁望只会见到一条队，但其实系需要俾咗钱先排队攞嘢食，我地都排咗几分钟先发现到。现场只系有个好细嘅牌写住点餐区，所以大家去嘅时候记得俾钱先。前前后后大概花咗十五分钟，终于拎到嘢食，我就叫咗一个细牛杂试下，朋友有叫配菜类，主要都系啲打边炉经常食到嘅食材。其实叫咩都好，处理手法都系大同小异。佢都系煮熟啲食材，之后淋返咖哩汁再加辣酱。牛杂种类大约五至六种，食落唔腥。等嘢食嘅时候，老板话佢地系用中药煮过啲牛杂，所以先唔腥。牛杂尚算有味道，但必须要加返咖哩汁先有比较多层次嘅味道。朋友就叫左杂菇，菜，芝士肠等等，但煮得太淋，食材嘅原味已经无咗，所以食落只系食到咖哩汁嘅味道。总括而言，呢间舖头嘅牛杂比一般配菜类好食，但回头率唔高，名过于实。