影片
更多
2008-04-28
25 浏览
之前听讲呢间餐厅系一间好出名o既葡菜老店，排晒长龙，要订枱先好去咁坚，于是今次去澳门就约埋班fd订枱去试啦~ 去到睇见个餐\牌已经唔对路，结果点咗以下七样嘢：1) 天字第一号睇个名唔知系乜东东，问个侍仔都唔知，要问经理先知，原来系cocktail，问个经理用咩酒沟，个经理都好似唔系好知咁，唔系谂住老店就可以食老本，唔驶理员工质素呀?! 结果杯所谓cocktail一啲酒味都无，唔通我哋系去咗茶餐\厅叫咗杯杂果宾治?! 2) 葡国鸡个汁都ok，但系啲鸡无鸡味又唔斩件，半个鸡壳咁上碟，好难食啫~ 仲有就系啲薯仔又炆得唔够淋，嘥料~ 唔系话个葡国鸡难食，之不过真系完全食唔出呢个系招牌菜啰~ 3) 沙甸鱼个侍仔同我哋落单时推介贵店o既沙甸鱼，就点嚟试吓啦~ 点知普通到呢~ 都唔知有乜值得推介~ 4) 沙利文炒饭一个无味o既扬洲炒饭，无味到唔捞葡汁食唔落口~ 5) 炸马介休球一咬落去净系食到薯仔，啲马介休唔知去咗边，无马介休之余亦无马介休味，咁不如改返个菜名做炸薯茸球啦~ 6) 木糠布甸另一侍仔推介贵店的得意杰作，终于都食到样似样o既食物喇~ 但系呢种质素o既木糠布甸唔系净系喺度先食到啰~ 7)
1) 天字第一号
睇个名唔知系乜东东，问个侍仔都唔知，要问经理先知，原来系cocktail，问个经理用咩酒沟，个经理都好似唔系好知咁，唔系谂住老店就可以食老本，唔驶理员工质素呀?! 结果杯所谓cocktail一啲酒味都无，唔通我哋系去咗茶餐\厅叫咗杯杂果宾治?!
2) 葡国鸡
个汁都ok，但系啲鸡无鸡味又唔斩件，半个鸡壳咁上碟，好难食啫~ 仲有就系啲薯仔又炆得唔够淋，嘥料~ 唔系话个葡国鸡难食，之不过真系完全食唔出呢个系招牌菜啰~
3) 沙甸鱼
个侍仔同我哋落单时推介贵店o既沙甸鱼，就点嚟试吓啦~ 点知普通到呢~ 都唔知有乜值得推介~
4) 沙利文炒饭
一个无味o既扬洲炒饭，无味到唔捞葡汁食唔落口~
5) 炸马介休球
一咬落去净系食到薯仔，啲马介休唔知去咗边，无马介休之余亦无马介休味，咁不如改返个菜名做炸薯茸球啦~
6) 木糠布甸
另一侍仔推介贵店的得意杰作，终于都食到样似样o既食物喇~ 但系呢种质素o既木糠布甸唔系净系喺度先食到啰~
7) 焦糖炖蛋
甜到离晒谱，嗜甜o既朋友都顶佢\唔顺~
总括嚟讲，系一间一试就black list o既舖头，根本就无样嘢出色~ 我当晚去食饭订咗枱 (星期六晚)，但系到我食完走人o既时候都唔见间餐\厅full house，唔知条人龙喺边呢? 啲人讲到几好都好，一试便知龙与凤!
张贴
