陶陶居海鮮火鍋酒家 (已結業)

2018年底去左澳门一次米芝莲养猪之旅，呢间系推介。陶陶居系屋企人预早好多已经话要食嘅老字号，一早book 左位食晚餐。佢会预先越洋打你香港电话confirm. 唔book定星期日晚都要等位。门面好光鲜，行入去好似协成feel, 坐底睇到原来协成同陶陶居都系金悦轩group. 招呼都ok.叫左个6两砂煲翅四个人分，个汤好鲜甜，有金华火腿香但唔会抢focus. 翅真系一梳梳，价钱好相宜。乳香鸡，皮脆但肉偏太稔。可食可唔食。脆皮牛肩肉，好好食。唔会太heavy. 脆浆好薄，肉又香同稔身。推介辣酒东风螺，几香酒味，可惜有少少过火。螺鲜甜。鱼汤西洋菜，鱼汤调到味。