度小月

营业中

休息中

想食度小月而唔洗排队～黎百老汇大街啦！首先叫必食嘅担仔面（细$18）同祖传肉燥饭（细$18）先～呢度嘅肉燥真系好好味，咸淡适中，唔油腻，个人偏爱担仔面多d，因为面质弹牙汤头又鲜甜！不过$18碗，两款叫晒都唔过份～本来小食想叫蚵仔煎，不过暂时无师傅整，唯有转叫鲜蚵汤啦～$48，蚵仔粒粒都好饱满新鲜，个汤意想不到咁清甜！仲有烤绍兴香肠（即系台湾香肠）$38 有少少贵，之前未试过夹生蒜片食，原来夹埋辣辣地几好食同埋蒜片同香肠味道都几夹。