四五六上海酒菜館

营业中

休息中

上网揾下澳门有咩上海野食，揾到有人介绍呢间有几廿年历史既上海菜馆。走黎澳门，一于去试下。下午茶时间，其实冇下午茶价钱。伙记带位后即刻帮我开茶，茶到伙记又马上斟礼貌茶。之后点野食，我点左花胶䲝鱼肠粉 - 以为好特别，原来冇料到，真系冇咩料鱼翅竹生灌汤饺 - 呢个汤好饮足料，灌汤饺够料除左鱼翅小笼包 - 不过不失，比较普通甜品食左豆沙窝饼同杨枝甘露。豆沙窝饼炸得好脆好唔油，好多豆沙馅，厚厚一层～如果边位再填满d馅就更加好喇！呢碗杨枝甘露我比满分呀！椰奶同淡奶比例好好，再加左芒果入去打，充满果香，好滑！碌柚一粒粒咁拆开左，充分咁浸住椰奶，芒果好甜又无根！三个点心，两个甜品，埋单$219 连加一茶介。