富仕葡式美食

营业中

休息中

今次澳门游无太多既计划, 只系几个人黎行下。朋友话上次食过呢间觉得好正，于是带我地黎食。呢度铺仔细细，不过其实有两层。我地岩岩o系开铺既时候黎，无咩人。我地点左芝士奶油焗西兰花，烧鸡酿饭，奶油马介休薯蓉。芝士奶油焗西兰花呢碟野好鬼香。满满既芝士汁，焗出黎香喷喷。D 西兰花唔会焗得太淋，岩岩好。奶油马介休薯蓉呢碟系我最钟意既菜式。热辣辣，薯蓉好Creamy，加马介休真系好夹。下次再黎都会再点呢碟，推介！酿烧鸡饭呢个都唔错，只烧size 唔大，但系个皮烧得好脆，D 肉仲系好嫩，烧得好!入面酿既系普通西炒饭，无咩特别，都系酸酸甜甜咁。唔特别，但都令到呢碟菜式唔漏。几好! 出外真系靠朋友。