影片
更多
2015-02-09
2504 浏览
一个咩都唔识嘅香港人，黎澳门想揾好野食，咪上网睇下啰。上网见到啲人话荣记豆腐面食嘅豆腐面出名。经过其中一个美食集中地天神巷，见到有间叫新荣记又都几多人就入去试下啦。(唔知两间有冇关系)一开头咩都唔知，净系知豆腐面出名，咪叫豆腐面($20碗)加杯热豆奶(佢哋系咁叫，唔系叫豆浆)。望望下唔对路，冇人斋叫一𩠌㖞，又见有几个人嗌熏蹄，跟大围实无死啦。加返个熏蹄先，咁拼就加$13。讲下豆奶先，我嗌左大杯热嘅，都几甜，同埋几稀，唔算好劲豆味，但都好饮。可能中午人多关系，都等左几耐。碗面黎到，好正常嘅面，唔算太特别。豆腐系几滑嘅，都算系有豆味。不过真系有啲斋。(所以，我后来发现有啲人会叫加咖喱汁，或者叫捞面，应该会惹面啲)反而，熏蹄系好有惊喜! 本身系冻嘅，加左啲麻油，食落好香，夹埋滑豆腐食，真系一绝! 同埋熏蹄本身唔肥腻，都几有肉味! 可以一试熏蹄!如果我要再试，会叫熏蹄豆腐捞面!
一开头咩都唔知，净系知豆腐面出名，咪叫豆腐面($20碗)加杯热豆奶(佢哋系咁叫，唔系叫豆浆)。望望下唔对路，冇人斋叫一𩠌㖞，又见有几个人嗌熏蹄，跟大围实无死啦。加返个熏蹄先，咁拼就加$13。
讲下豆奶先，我嗌左大杯热嘅，都几甜，同埋几稀，唔算好劲豆味，但都好饮。
可能中午人多关系，都等左几耐。碗面黎到，好正常嘅面，唔算太特别。豆腐系几滑嘅，都算系有豆味。不过真系有啲斋。(所以，我后来发现有啲人会叫加咖喱汁，或者叫捞面，应该会惹面啲)反而，熏蹄系好有惊喜! 本身系冻嘅，加左啲麻油，食落好香，夹埋滑豆腐食，真系一绝! 同埋熏蹄本身唔肥腻，都几有肉味! 可以一试熏蹄!
如果我要再试，会叫熏蹄豆腐捞面!
张贴
