波爾圖

营业中

休息中

同成班朋友十几个人澳门两日游，夜晚睇不能说的秘密嘅音乐剧，下昼到咗澳门，有朋友介绍呢间葡国菜话几好食，我哋下昼又无乜特别嘢做，就五点几去食，未有好多人，轻松有位坐。咁多人当然嗌好多嘢share啦，我哋叫咗脆炸马介休球、茨丝炒马介休、面包焗葡国鸡、焗鸭饭、葡式乳猪酿饭、葡式烧银雪鱼、香草烧羊鞍、咖喱杂菜煲。基本上太多碟都食得好忙马介休球系葡国菜经典，外脆内软，食到薯蓉之余亦食到马介休。茨丝炒马介休虽然系简单嘅马介休炒蛋薯仔丝，但食落好香口。乳猪酿饭嘅皮都做得好脆，肥肥嘅猪油好满足，但都有瘦嘅部份，唔会成旧都系肥膏。葡国菜主要味道都会比较咸，但食完呢餐都唔算话好口渴，食完去睇音乐剧，好满足。