櫻花餐廳

营业中

休息中

去左黑沙湾一游。第一次跟朋友黎澳门试日本野。平时系香港食日本野食得多，估唔到澳门都可以有咁新鲜又有心思既餐厅。食左set lunch 抵食之余，有汤有刺身⋯而且个刺身混合其他配料，有薄荷叶啊，蟹籽，仲有啲粉红色嘅糖，同埋有啲沙律菜，食落好多重口感⋯真系埋装饰都食得落肚⋯ 鱼生又新鲜，好好味唷另外，同朋友叫左个樱花便当，有几块刺身啦，仲有天妇罗，层皮都系松化既，虾又大只又新鲜⋯ 食落好惊喜当然仲叫左其他野食⋯ 其他就okay gum la。都几好味既食得出，全部都系即叫师夫先整⋯ 所以我地落左单之后，都要等四五个字先有得食。所以心急既朋友，真系要有预松些时间，先去叹好野食。我同朋友食完就去左隔离黑沙湾，行下抖下，有埋景点又有美食既悠游之行。