美的雪糕車

营业中

休息中

昨日去澳门玩，经过福隆新街巨记对出，见到有个叔叔卖紧好怀旧o既雪糕，口痕痕就想去帮衬。首先问佢有咩味，佢话有4种，最靓系芒果，咁我就话要一杯芒果，心谂点都唔会太贵，最多咪10蚊，点知俾钱时，佢话20蚊，我已经呆左，以为自己听错，我仲几大声咁话「20蚊咁贵？」叔叔仲答我「个个都咁买架喇，3杯平d，55蚊3杯。」我见又问左佢又毕左，咁就照俾钱，但一睇到那杯雪糕，只有半个乒乓球咁大，大风d都吹埋，我仲以为佢未毕完，点知......原来就系得咁多。仲有就系，我话要芒果，但出来嚟系50%芒果+50%其他味混合，讲真，一来咁少，二来d味又mix埋，那半个乒乓球3秒就KO左，真系食唔出点解值20蚊，后来我去haagen-daz再食，都系20几蚊，但个scoop起码系呢个阿叔o既4倍。我唔可以话佢揾我苯，但我心里真系有种好顶嘅feel，所以谂住上嚟话俾各位听，先见到原来有唔少相似嘅食评，好后悔唔一早上嚟睇下先。我见有一篇系话喺妈阁庙对出买的，所以我唔知澳门系咪有好多架一样嘅雪糕车，如果系，可能唔系个个都咁差嘅。