影片
更多
2024-12-08
533 浏览
先讲总结：系一间味道唔错，环境舒适，价钱适中嘅正宗葡国菜，但系服务态度有待改善。𠮶日三个人去，叫咗三样嘢，三个人都食得好饱。我哋叫嘅系1.烧羊髀，2. 葡式乳猪酿饭，3. 葡国鸡。1.烧羊髀烧羊髀切成薄片咁样上，旁边有啲沙律同埋薯片。 烧羊髀调味唔错，并无太过浓嘅调味，掩盖咗羊本身嘅味道。仍然可以食到羊肉本身嘅味道，同淡淡嘅臊味，加分。熟度嚟讲，恰到好处，好容易就可以咬开，唔会过老。隔离有一个薄荷酱可以蘸，但系我唔系特别钟意薄荷，所以冇评价。2.葡式乳猪酿饭招牌菜，一句就系好食。乳猪肉好嫩，表皮烧得好脆。上碟嘅时候攞一个乳猪形状嘅餐具装住，卖相几靓。下面垫住炒过嘅饭，味道同乳猪好夹。好评。3.葡国鸡正宗葡国鸡，味道同茶餐厅嘅唔同，建议可以试吓。鸡肉非常嫩滑，而且都系选用去骨鸡髀肉，食起上嚟都非常方便。而且有配一碗白饭，个汁配起白饭上嚟，非常好食。服务态度：员工对答系有礼貌嘅，但系当日我哋大概2:45入座，喺入座嘅时候，佢并冇同我哋讲今日3:30要揾清洁公司做清洁，客人必须3:30前离座。我哋大概喺2:50左右点单，上齐嘢食大概3:05。当我哋食到3:10嘅时候，员工突然过嚟同我哋讲3:
𠮶日三个人去，叫咗三样嘢，三个人都食得好饱。我哋叫嘅系1.烧羊髀，2. 葡式乳猪酿饭，3. 葡国鸡。
1.烧羊髀
烧羊髀切成薄片咁样上，旁边有啲沙律同埋薯片。 烧羊髀调味唔错，并无太过浓嘅调味，掩盖咗羊本身嘅味道。仍然可以食到羊肉本身嘅味道，同淡淡嘅臊味，加分。熟度嚟讲，恰到好处，好容易就可以咬开，唔会过老。隔离有一个薄荷酱可以蘸，但系我唔系特别钟意薄荷，所以冇评价。
2.葡式乳猪酿饭
招牌菜，一句就系好食。乳猪肉好嫩，表皮烧得好脆。上碟嘅时候攞一个乳猪形状嘅餐具装住，卖相几靓。下面垫住炒过嘅饭，味道同乳猪好夹。好评。
3.葡国鸡
正宗葡国鸡，味道同茶餐厅嘅唔同，建议可以试吓。鸡肉非常嫩滑，而且都系选用去骨鸡髀肉，食起上嚟都非常方便。而且有配一碗白饭，个汁配起白饭上嚟，非常好食。
服务态度：员工对答系有礼貌嘅，但系当日我哋大概2:45入座，喺入座嘅时候，佢并冇同我哋讲今日3:30要揾清洁公司做清洁，客人必须3:30前离座。我哋大概喺2:50左右点单，上齐嘢食大概3:05。当我哋食到3:10嘅时候，员工突然过嚟同我哋讲3:30清洁公司做清洁，客人必须离座。佢净系俾20分钟我哋食晒枱面上面嘅嘢，中途仲催咗三次。咁我不禁思考，如果真系3:30需要做清洁，咁点解仍然俾我哋入座点餐？中途仲要催促三次，严重影响用餐体验。
总括嚟讲，食物系好食嘅，但系员工服务质素的确麻麻。
烧羊髀
341 浏览
0 赞好
0 留言
葡式乳猪酿饭
572 浏览
0 赞好
0 留言
葡国鸡
1205 浏览
1 赞好
0 留言
张贴
