影片
更多
2016-02-11
1259 浏览
年纪大，新年总想避年，于是与友人相约初一初二到澳门玩，住吓靓酒店，食吓翅食吓虾子面。我嫌议事亭黄枝记人多，提议行多几步食祥记，到步都唔少人呀，上次嚟就记得店里好细，今日人多，台台都坐爆晒，感觉更细，好彩我哋早到一步，攞到个卡位，唔使搭台。但一坐低，发觉要「加二」啰，咁话晒过年，一场嚟到，唔通唔食咩，新年在香港饮茶都要「加二」、「加三」啦。我哋点咗虾子捞面、牛筋捞面，和金沙炸鲮鱼球。点讲呢，味道是一如以往好，鲮鱼球是即炸，味鲜，而且热到辣嘴，好正。但讲真32蚊一个捞面，得一个面饼，真系好贵啰，在香港食个捞面或者要36蚊以上，但大碟好多，系食到饱，或者价钱贵、份量少，才突显到名店身价吧~面已经少，四条牛筋仲幼尾尾（你可以话衬番个面），真系唔足料啰，但牛筋又稔又滑，又冇咩好投诉。朋友叫咗支樽装可乐，我饮维他奶，维他奶樽装上，在香港樽装热维他奶饮得多，樽装冻维他奶未饮过，它比纸包装杰身少少，但好好饮。这餐，因为这支冻维他奶而满足~临走我仲想买多一樽虾子带返香港捞面食，但居然卖到110蚊，贵过年几之前来廿几蚊，好乸脷，最终放弃~
我嫌议事亭黄枝记人多，提议行多几步食祥记，到步都唔少人呀，上次嚟就记得店里好细，今日人多，台台都坐爆晒，感觉更细，好彩我哋早到一步，攞到个卡位，唔使搭台。
但一坐低，发觉要「加二」啰，咁话晒过年，一场嚟到，唔通唔食咩，新年在香港饮茶都要「加二」、「加三」啦。
我哋点咗虾子捞面、牛筋捞面，和金沙炸鲮鱼球。
点讲呢，味道是一如以往好，鲮鱼球是即炸，味鲜，而且热到辣嘴，好正。但讲真32蚊一个捞面，得一个面饼，真系好贵啰，在香港食个捞面或者要36蚊以上，但大碟好多，系食到饱，或者价钱贵、份量少，才突显到名店身价吧~
面已经少，四条牛筋仲幼尾尾（你可以话衬番个面），真系唔足料啰，但牛筋又稔又滑，又冇咩好投诉。
朋友叫咗支樽装可乐，我饮维他奶，维他奶樽装上，在香港樽装热维他奶饮得多，樽装冻维他奶未饮过，它比纸包装杰身少少，但好好饮。这餐，因为这支冻维他奶而满足~
临走我仲想买多一樽虾子带返香港捞面食，但居然卖到110蚊，贵过年几之前来廿几蚊，好乸脷，最终放弃~
张贴