影片
更多
2012-02-08
349 浏览
澳门有好多葡萄菜馆，上次去澳门未有机会试到，今匀就拣定几间心水，全部都无订枱，视乎时间同玩到去边区。最后，就决定去试吓晌大堂街嘅Restaurant Escada，位置就在邮政总局后面上梯级，少少隐蔽，但唔算难揾。今日系星期五，都几旺，由于无订位，要多等半粒钟，啱晒啦，因为晌360café食咗个好饱嘅High Tea Set，系估唔到咁饱，所以已经将食晚饭时间推晏啲，再等多阵都无妨，咪落番议事亭前地行吓啰。之前已晌openrice做咗少少功课，所以点菜时虽睇匀个餐牌，但查实心里有数，都无乜悬念。红酒杂饮 Sangria 0.5L/MOP78, 1L/MOP148澳门好多葡国餐厅都无免费开水供应，依间都无例外，所以索性先嚟半公升Sangria。我都系第一次饮依种葡式鸡尾酒，本身小弟同太太都唔系好酒之人，可以饮，但唔多，而半公升大概倒到5-6杯（以每杯为半杯份量计），所以今晚都叫饮大咗，但因为只酒系由红酒再加啲苹果、橙嘅果皮果肉，酒味少许浓，味道带甜，易入口，真系唔错唔错，值得一试，所以清晒半公升Sangria无难度。柠檬炒蚬 MOP95炒蚬堆满一大碟，份量颇大无呃秤，虽然蚬只唔算好大，但
今日系星期五，都几旺，由于无订位，要多等半粒钟，啱晒啦，因为晌360café食咗个好饱嘅High Tea Set，系估唔到咁饱，所以已经将食晚饭时间推晏啲，再等多阵都无妨，咪落番议事亭前地行吓啰。之前已晌openrice做咗少少功课，所以点菜时虽睇匀个餐牌，但查实心里有数，都无乜悬念。
红酒杂饮 Sangria 0.5L/MOP78, 1L/MOP148
澳门好多葡国餐厅都无免费开水供应，依间都无例外，所以索性先嚟半公升Sangria。我都系第一次饮依种葡式鸡尾酒，本身小弟同太太都唔系好酒之人，可以饮，但唔多，而半公升大概倒到5-6杯（以每杯为半杯份量计），所以今晚都叫饮大咗，但因为只酒系由红酒再加啲苹果、橙嘅果皮果肉，酒味少许浓，味道带甜，易入口，真系唔错唔错，值得一试，所以清晒半公升Sangria无难度。
柠檬炒蚬 MOP95炒蚬堆满一大碟，份量颇大无呃秤，虽然蚬只唔算好大，但感觉蚬肉肥厚、鲜甜无霉无烂，无乜死蚬，食落亦唔觉有沙。以柠檬同炒，所以蚬肉带有一朕柠檬清爽鲜香，我哋连汁都唔放过，以面包醺嚟食！
葡式焗鸭饭 MOP128另一满意嘅菜式，上枱时个卖相平平无奇，饭面就只有两大块烟肉、两片葡式肉肠、蕃茜、黑橄榄而矣。但一滔起个鸭饭，真系禾秆冚珍珠，饭里面鸭肉多到不得了，啖啖都有鸭肉丝，而且个饭又焗得够香够干身，但又索咗啲鸭油香，确系意外咁好食。唔好睇佢好似细细钵，查实份量可不少。
整晚食物好好味，环境亦都一流，餐厅设于一幢旧楼之中，楼高三层都系餐厅。内里装修古雅，一室洁白，怀旧吊灯，加上昏黄灯光，实在几有气氛。美酒，佳肴，浪漫情调，为今日行程画完整美句号。
张贴
