Bar.Celona Tapas & Rice (已結業)

Item: Bar.Celona Tapas & Rice
Rating: 5
Author: 甘平梅

6 食记

味道

环境

服务

卫生

抵食

434

黑沙环

$201-400

西班牙菜

甘平梅

等级1

因为一个非常美满愉快的西班牙旅程, 令我对西班牙菜念念不忘。朋友介绍咗呢间系澳门的西班牙餐厅, 一直都好想去, 结果等咗成个月先可以成行。为咗食呢餐, 专登坐船去澳门, 我都好担心会费时失事, 结果我地系食唔停, 好满足咁揽住个肚返香港。入到餐厅装饰简洁, 店如其名, 似一间优闲舒适的酒吧多过一间有美食餐厅。一坐低, 男友就一眼认出餐厅大厨, 原来佢之前嚟过香港教其他西班牙餐厅的厨师, 咁大厨的体型又真系好突出讲返食物先, 我地觉得样样都好味, 只有好味同好好味的分别。有D食物太吸引, 唔记得影相就比我地食哂未开始点菜就有份餐厅送的橄榄松饼(Olive Muffin), 一向食松饼都系食甜的, 食呢个咸味的松饼感觉好清新, 新鲜焗好热辣辣, 兼且外脆内软, 食完个口仲留咗D橄榄味, 对于好钟意食橄榄的我, 顿时已经对呢间餐厅甚有好感。侍应好有礼貌咁介绍我地当晚的厨师推介, 样样都好吸引咁, 好难决定。最后因为系西班牙食的八爪鱼实在太鲜味(我系果度差唔多日日都食), 好想再回味, 所以第一时间叫咗烤八爪鱼(Grill Octopus)。食材新鲜当然好关键, 但我真系好欣赏佢地真系火喉啱

因为一个非常美满愉快的西班牙旅程, 令我对西班牙菜念念不忘。朋友介绍咗呢间系澳门的西班牙餐厅, 一直都好想去, 结果等咗成个月先可以成行。
为咗食呢餐, 专登坐船去澳门, 我都好担心会费时失事, 结果我地系食唔停, 好满足咁揽住个肚返香港。

入到餐厅装饰简洁, 店如其名, 似一间优闲舒适的酒吧多过一间有美食餐厅。一坐低, 男友就一眼认出餐厅大厨, 原来佢之前嚟过香港教其他西班牙餐厅的厨师, 咁大厨的体型又真系好突出
讲返食物先, 我地觉得样样都好味, 只有好味同好好味的分别。有D食物太吸引, 唔记得影相就比我地食哂

未开始点菜就有份餐厅送的橄榄松饼(Olive Muffin), 一向食松饼都系食甜的, 食呢个咸味的松饼感觉好清新, 新鲜焗好热辣辣, 兼且外脆内软, 食完个口仲留咗D橄榄味, 对于好钟意食橄榄的我, 顿时已经对呢间餐厅甚有好感。
侍应好有礼貌咁介绍我地当晚的厨师推介, 样样都好吸引咁, 好难决定。最后因为系西班牙食的八爪鱼实在太鲜味(我系果度差唔多日日都食), 好想再回味, 所以第一时间叫咗烤八爪鱼(Grill Octopus)。食材新鲜当然好关键, 但我真系好欣赏佢地真系火喉啱啱好, 食得出佢中间系刚刚熟透, 好鲜嫰好juicy, 加埋面果几颗海盐, 将D鲜味衬托哂出嚟。食完呢碟, 我已经好放心当晚唔会失望而回。

跟住系餐牌拣咗西班牙炸丸子(Las croquetas de la abuela con pollo i jamon)。新鲜炸起的食物通常都无得输, 佢好食在个馅creamy得嚟唔漏, 又食到鸡同火腿的肉汁味, 配埋个脆卜卜的外层, 男友猛话好好食。我就觉得唯一可挑剔系鸡肉粒有少少”鞋”, 如果可改善就满分啦。

西班牙炸丸子(Las croquetas de la abuela con pollo i jamon)

大厨好客气咁请我地食咗个法国蕃茄配三文鱼沙律, 可以食得出个蕃茄真系好新鲜, 可能因为个秘制酱汁的关系, 件三文鱼出奇地鲜甜。赞!

之后出现系烤黑毛猪肋排配焦糖菠萝(Gostillas de iberico con pina caramelizada), 呢碟有名的菜式系西班牙错过咗, 系呢度可以补食返, 真开心! 猪肋好嫰, 中间仲系粉红色的, 配埋稍微酸甜的菠萝, 我最后连D花都食埋

烤黑毛猪肋排配焦糖菠萝(Gostillas de iberico con pina caramelizada)

烤牛面颊配蘑菇酱(Carrillada de ternera al horno con champinones)系我特别拣选, 好钟意食呢个咁重牛味的tapas。佢有D似五香牛展, 但肉味更脓, 肉质更嫰滑, 下面D薯蓉吸哂D肉汁, 千万唔好错过。

烤牛面颊配蘑菇酱(Carrillada de ternera al horno con champinones)

食到呢度只有五成饱, 仍然战斗力高企。我地又一口气叫多三样嘢。最先到系厨师推介的鲜黑松露配煎蛋, 听落好hea, 但其实好好食。虽然黑松露无白松露咁香, 但我觉得配埋D浓浓的蛋黄浆, 一啖食落去, 满口都系黑松露味, 芬香满溢。

之后嚟果碟系煎蛋配薯仔和西班牙肠(Huevo frito con patata i chorizo), 呢样系另一样系西班牙成日见人食, 但当时无食的tapas。呢碟由于太美味, 后来完全忘记影相。系西班牙时通常都见到系用粗薯条, 但呢度用好似零食果种幼薯条, 好松脆又唔油腻。估唔到咁简单都好食, 我地打算自己返屋企都试下整。
主菜尾声系一碟西班牙红虾和黑毛猪烩饭(Cocerola de arroz con gambas e iberico a la catalana)。当时已经开始有D饱, 见到碟饭仲惊食唔哂, 后来我地都系食到汁到无。皆因果只红虾将成碟饭的味道提升咗, 成碟饭劲鲜甜。个虾头系全晚的highlight

食果时唔小心咬爆咗个虾头, 结果D虾膏喷射式咁唧满我喉咙, 鲜、甘、甜布满我每一个味蕾, 我呢家谂起都流口水。

西班牙红虾和黑毛猪烩饭(Cocerola de arroz con gambas e iberico a la catalana)

已经十成饱, 都系忍唔住叫咗个甜品, 焗菠萝配香料和草莓忌廉(Pina asada con especias aromaticas i una espuma)。菠萝面有层脆焦糖, 加埋酸酸地草莓忌廉, 其实好清新, 啱啱好带走D饱滞感。男友好钟意食菠萝, 佢觉得好好食, 我对菠萝有D过敏, 只系食咗少少。食完呢个甜品觉得呢程觅食之旅系好圆满咁完成咗, 可以带我个超胀肚腩笑住去撘船返屋企。