南北麵點小廚 (已結業)

独自爬起身回港，幸运地一出酒店就有的士喇，真好！竟然一对州民男女从后冲前打我尖，离晒谱架！谁知无上车㖞，司机表示赶时间交更唔顺路，所以唔车佢地啊。抵死呀，心都凉！系我既始终系我既，挣咩啫？最终载我去码头，而且司机叔叔仲要好鬼 nice 添㖞。到达码头见仲有时间，叹个早餐先上船。麦当奴系左近，梗系唔去啦，好采发现有间南北面店小厨啫。虽然系商场走廊舖，座位半开放式，台櫈够大张，密度不太高，都算坐得舒服。菜牌上面既小炒非常吸引，我劲有兴趣呢！不过食早餐乍㖞，算吧。好采码头有食肆医肚唔洗挨饿咯，食饱饱满足地上船返香港。五香牛腩面走葱，卖相竟然使我联想到沙嗲牛肉面呢！五香酱汁又浓又多，为淡淡汤底增味不少。大大旧松化牛腩，不干不硬不鞋，清纯五香汁渗透其中。爽弹生面挂上五香汁连腩肉，梗系好味啦，预料之外的满意。小笼包，不是灌汤小笼包，不过猪肉软绵滑滑，味浓多汁湿润，皮虽厚但咽韧，泛出面粉香。沾上酸醋畅快地一口一粒，开心舒服。