新鴻發咖啡美食

营业中

休息中

成日见朋友嚟澳门食炒牛肉通，今次嚟澳门就试吓😋🔸法兰西多士🟧西多士一上枱😧 个size真系巨大到有啲吓亲🤣 净系厚度同size已经赢咗😜 原来西多士都系呢度嘅名物。表面炸到好似金砖咁，多士面块牛油好邪恶🤤 拮几下等佢溶落去，一切落去多士超松软！落埋糖浆确真系一流🤤 食咗一半已经好饱🤭🔸 牛肉炒通粉🐮原来牛肉唔一定配炒河，炒通粉都可以好夹🤭 通粉炒得唔会过淋能够保持弹性，仲几入味。牛肉亦炒得啱啱好唔会过老，但我更喜欢里面嘅配角炒洋葱🧅 炒得好香又惹味🤭 不过可能太有镬气，会食到有少少镬㶶味🫢环境系旧式茶记，如果二人去嘅话好大机会要搭枱。