班妮意大利餐廳 (已結業)

圣诞节假期，一家人嚟澳门住返几日。因为有小朋友嘅关系，唔想咁夜出去，所以就去酒店楼下食pizza。之前都嚟过N咁多次，装修依然一模一样，高楼底感觉宽躺宏伟，今次终于转咗个Menu，Menu系用硬賿做，都几好因为以前个Menu都好旧啦，有阵咸鱼味。但系啲嘢食就差左冇以前咁好食蘑菇汤本身个味都算OK，有松露油喺面，蘑菇味够重，但系本身个汤唔够热，失色！海鲜汤反而几出色，海鲜鲜味够，又有大蚬丶青口丶鱿鱼丶仲有块蒜蓉包点缀一下。不过因为太多料嘅关系汤其实唔系太多。炸鱿鱼简直系不知所谓，鱿鱼切到好细条，好散，仲要系无味嘅，有个芝士酱喺隔离但系觉得味道唔匹配。最后要自己落手调味加盐先可以食得落口。三文鱼就整得唔错，煎得够香，皮脆肉嫩！有少量意大利饭荐底加埋菠菜及甜豆味道一流！辣虾意粉好多油，成件事就系唔俾啲橄榄油累事。只老虎虾其实好好味好爽囗，蒜味好够香，但系食完真系成口油啰。Pizza都算唔错，风干牛肉味道唔系太咸，都几好食，Pizza个底比以前厚咗，但系都可能系好事嚟，可以包啲呀嘛总结：其实都唔系太差，员工服务亲切，不过动作慢左少少，食物味道差过以前但都算唔错。