影片
更多
2024-05-08
1011 浏览
因为屋企人睇错资料，山长水远由氹仔嚟到食呢间老记粥面，嚟到发现系米芝莲推介餐厅，之后睇下食评有咩𩠌好食，发现大家推介嘅𩠌都好唔同，而个menu真系超多嘢食拣，唔知嗌咩食就随心叫啲钟意嘅𩠌试下：水蟹粥，可能系全澳门最好食嘅！粥底够绵，蟹肉唔削多膏，好鲜甜！我见好多当地嘅街坊都叫咗！鱿鱼炒面，有得拣湿炒定干炒，我哋拣咗干嘅，澳门啲鱿鱼真系好肥美，又大条又爽口弹牙，平时最惊啲硬嘅炒面有油益味，呢度完全唔觉，面身好爽脆，配埋个好惹味又适量嘅芡汁，真系冇得输👍🏻生啫黄鳝煲，一上枱滋滋声，见得到嘅镬气！黄鳝好鲜好香，如果大旧肉啲就仲开心～菜干猪肺汤，呢个真系怀旧味道，菜干猪肺味边个都抢唔到对方，猪肺好干净一啲腥味都冇，系饮得出嘅心机同诚意！杂荟炒河，系好足料嘅杂荟！有鲜鱿、猪杂、鸡肉～笼仔膏蟹蒸糯米饭，不得了地多膏，仲要唔系剩系只蟹好食，个饭底都超好食，个饭充满住碎嘅姜葱，啖啖都好惹味👍🏻👍🏻👍🏻终于都明点解啲食评个个都推介唔同嘅嘢食，因为求其嗌每一味𩠌都好好食🤤呢餐饭真系食得好开心，好有回忆嘅味道，系食得出嘅心机，侍应亦招呼得好好，见到街坊之间嘅交流都好有人情味，下次有机会嚟澳门都要再食！
水蟹粥，可能系全澳门最好食嘅！粥底够绵，蟹肉唔削多膏，好鲜甜！我见好多当地嘅街坊都叫咗！
鱿鱼炒面，有得拣湿炒定干炒，我哋拣咗干嘅，澳门啲鱿鱼真系好肥美，又大条又爽口弹牙，平时最惊啲硬嘅炒面有油益味，呢度完全唔觉，面身好爽脆，配埋个好惹味又适量嘅芡汁，真系冇得输👍🏻
生啫黄鳝煲，一上枱滋滋声，见得到嘅镬气！黄鳝好鲜好香，如果大旧肉啲就仲开心～
菜干猪肺汤，呢个真系怀旧味道，菜干猪肺味边个都抢唔到对方，猪肺好干净一啲腥味都冇，系饮得出嘅心机同诚意！
杂荟炒河，系好足料嘅杂荟！有鲜鱿、猪杂、鸡肉～
笼仔膏蟹蒸糯米饭，不得了地多膏，仲要唔系剩系只蟹好食，个饭底都超好食，个饭充满住碎嘅姜葱，啖啖都好惹味👍🏻👍🏻👍🏻
终于都明点解啲食评个个都推介唔同嘅嘢食，因为求其嗌每一味𩠌都好好食🤤呢餐饭真系食得好开心，好有回忆嘅味道，系食得出嘅心机，侍应亦招呼得好好，见到街坊之间嘅交流都好有人情味，下次有机会嚟澳门都要再食！
张贴
