譚家魚翅

营业中

休息中

之前朋友介绍食过1次，自此每次黎澳门都必定要食。好多人宜家都会话向应环保而唔食鱼翅，事实我都系一个好环保嘅人，但讲真我唔系真系话钟意食鱼翅，而我欣赏嘅系佢嘅汤底。有好多款翅可以拣，我通常都系拣石窝中鲍翅，一黎$55超抵，二黎用石窝上菜。汤底好味到难以形容，捞饭真系一流，加上钟意食芫茜嘅我，令个饭更加好味。个人建议个白饭千祈唔好1次过倒晒落个石窝度，因为咁样好快吸晒啲汤，最好一啖汤，一啖饭咁食系最好。而且以$55 价钱黎讲，翅嘅份量都算多，相当抵食。今次仲叫多左个姜葱鲍片煲，同样用石窝上菜，可以完全保持到食物热度。上菜时，已经闻到好香姜葱味，冬菇同鲍片相当入味，每咬一啖都有好浓嘅鲍汁味，真系令人回味无穷。