亞利咖喱屋

营业中

休息中

黎到澳门必定食番餐葡国菜,而亚利咖哩屋出名抵食又好食，但系餐厅地点比较偏僻，不过可能位置咁唔就脚我地先可以食到咁抵食既葡国餐。行左大半个钟有多先到达餐厅，我地大约差唔多5:30pm到达餐厅，所以冇咩人，但就要7:00pm交枱。忌廉汤 $28，汤好浓郁而且好热，似刚刚煲滚，面包都暖暖地，点埋汤仲好味咖哩牛腩(跟饭)，好似大约70几蚊，但我觉得一般，牛筋仲多过牛腩，牛腩都唔够淋同唔够入味。好因为嗌左个咖哩牛腩点可以唔嗌个蒜蓉包，焗得好脆卜卜呀葡国焗鸭饭好似大约都系70几蚊，唔好睇佢个面头冇咩料得个饭，但个底有肠仔同鸭肉，我觉得呢个好味呀。葡国烧猪手 $108猪手好大份，上枱时我都吓一跳。咁既价钱食个猪手真系超抵，我睇其它葡国餐厅烧猪手起码都要200百几蚊起。真系好抵食呀，而且个皮烧到脆卜卜，肉又唔会太干身，仲系热辣辣架，必食呢只蒜蓉虾超大只，同手掌差唔多，啖啖虾肉，捞埋d汁食到lam lam脷不过呢个系时价，大约100蚊。今次黎澳门终于可食到葡国餐，真系食饱饱又满足地番香港啦。