和陽小日

营业中

休息中

慢煮牛肉饭+青瓜乳酪酱有9-10块慢煮牛，每块都系粉红色好靓～牛肉好嫩，一d都唔会韧，配上青瓜酱好开胃，但个酱有d浓，所以我觉得落少少就可以了。除此之外，我最欣赏嘅就系佢嘅配菜，因为每一次都会唔同，而每一次都系好好食～今次就系味噌芋头，佢嘅咸味做得啱啱好，送饭一流！素饭呢个啱晒食得太多肉想食清d嘅朋友，因为个饭唔会好似食草咁，咁干硬无味，有好多蔬菜例如芦笋，冬菇，红菜头，红萝卜，有时有莲藕，应该系次次都会用不同嘅新鲜蔬菜去整。而个饭上面有大块紫菜，饭唔系斋白饭系有味饭，所以食晒一盒绝对唔难～三文鱼饭一d都唔会觉得好油都腥，食落少少咸味似味噌嘅味道，饭上同样有块大紫菜，正！亲子鸡丼近日好似已经无得卖...一打开个盒就有香喷喷嘅香草味，但香草份量实在太多，有d喧宾夺主。