鳳城珠記麵食專家

营业中

休息中

好景不常，过咗嚟澳门冇耐就病倒了。幸运嘅系只系小病一场，就当系「小病是福」。人病咗，胃口就梗系冇咁好了，所以谂住食得轻巧啲。据「伯有」提及，向新马路喷水池附近有一间面舖啲面都几好食，个舖头名好似话系叫「珠记」，见食晏时间成个半钟，就逐条巷仔慢慢揾，终于响「北京水饺」嘅隔离巷揾到，而舖头门口都围咗唔少人，证明呢间嘢几受当地人欢迎。 此店系家庭式经营，一家大细齐齐包饺子，虽然生活唔可以话富裕，但见一家人乐也融融，夫复何求。我叫咗一碗水饺面同埋一碟油菜走油；面质其实普通，冇乜特别深刻印象；水饺方面，可能口淡嘅关系，我食唔出系乜嘢，不过有一股好特别嘅肉嘅「鲜」味(据说除咗甜、酸、苦、咸四味之外仲有第五种叫「鲜」味)，唔只响水饺入面食到呢种味，连油菜都沾有呢种味，另本来淡「谬谬」嘅油菜也变得多姿多采。 清淡之中可以食到肉嘅「鲜」味，十分满足。价钱亦相当经济实惠，虽然唔系太记得，不过可以肯定唔驶廿五蚊。以面嘅份量嚟讲，我认为比较适合下午茶。