勝利茶餐室

营业中

休息中

上网睇到人地介绍呢间猪扒包同埋咖喱系必食 系附近买完手信就特登行过去试下 系大三巴附近 大约行十至十五分钟左右就会到 餐厅几大 比较旧式既茶餐厅 餐牌选择好多 有粉面 饭 包类 我地叫左两个猪扒包 一个系煎既猪扒包 另一个系吉列猪扒包 两个猪扒包既猪扒都好大块 同埋佢地既猪仔包系做得好脆好淋好好味 煎既猪扒煎得好香口 有肉汁 唔会好干好鞋 另一个吉列猪扒炸到好香脆 好好味仲叫左碗咖喱牛腩面 一上到枱好香咖喱味 牛腩好淋 佢地系用左粗面 索晒啲咖喱汤好入味 估唔到会咁夹另外 仲叫咗个鲜虾云吞面 呢个有啲失望 云吞皮好厚 入面得好少虾 好多猪肉 整体嚟讲 呢间茶餐厅必食既系猪扒包同埋咖喱 价钱合理 值得一试