遊咖啡

营业中

休息中

虽然openrice都有澳门区嘅食评，但可能唔系好多人有将澳门食评post喺呢度嘅习惯，当地人更加唔会喺度写食评，所以部分评论都较少、旧。澳门嘅cafe相当多，今次之行，都冇安排要黎呢间游咖啡，只系我地喺附近食完晚饭，距离回程嘅船有一段时间，所以先临时上网揾嘅。见到图片有个甜品几吸引，所以喺附近几间当中拣左呢间。餐牌中有几年前店主嘅前言：「小店的出现，是因为我们想做自己喜欢的，我们深信，做自己喜欢的事是最发自内心的，亦是快乐。它能使一切事情变好。」而家佢地已经有3间店，分别喺罗神父街、关闸区、皇朝分店。我地去嘅系高士德店，环境唔错，装潢都系带啲文青感。（客人多，我唔方便影相）正值晚饭时间，小店客人都唔少，餐单主要以西式食物为主，但由于我地已经食过拉面，只系食得落甜品。甜品有炖蛋、蛋糕、雪糕、松饼，价钱合理。饮品都有咖啡、奶类、梳打、冰沙、果汁、酒类，三、四十蚊。甜品/饮品餐牌：朱古力脆皮抹茶冰山 $38卖相令我有点惊讶，我估唔到佢系呢种presentation雪糕，一层朱古力酱，一层雪糕，最后再淋上朱古力酱。里面有两球抹茶雪糕，抹茶味浓郁，不过冰感较重。朱古力酱好快已经变硬，下面一球基