阿曼諾葡國餐廳

营业中

休息中

我每次去澳门，除咗喜莲冰室嘅猪扒包之外，必食嘅就系阿曼诺嘅葡国餐。第一次去都十年前，之后每次去嘅指定晚餐就系呢度，所以可以话系忠实顾客😂店舖面积唔大，大概有六张枱，布置得好有葡国特色，上面仲有把古雅吊扇，情调不错(顺带一提，老板系葡国人) 咁多味𩠌，我最钟意就系柠檬蚬。蚬新鲜，个汁酸酸甜甜好开胃，一定要用佢餐前送嘅蒜蓉面包点汁，配搭一绝。我上星期去就叫咗马介休炒饭，不过不失，我觉得之前食过嘅墨鱼汁炒饭更好，味浓但不腻，不过要小心食到个咀黑晒。另外仲叫咗个烧牛肋骨。有炭烧味，肉味浓，再用盐烧，简简单单已经好正。总括嚟讲，食物质素中上，有情调气氛，倾计谈心都一流。如果叫埋Sangria边饮边食，都真系不亦乐乎。不过一定要订位，座位太有限了。