「泓」日本料理

营业中

休息中

终于可以放到假，同老公过大海探探亲友，食吓嘢，行吓街。因为住系呢间酒店，所以咪嚟呢间日本餐厅开餐。餐厅环境唔错， 服务招呼都好好。餐厅中间有棵靓靓发光樱花树，店员仲话特别安排我坐系樱花树附近，佢话同樱花树影相打咭系呢个角度影过去系最靓㗎。我地叫咗生蚝，2个唔同嘅套餐share食，同埋叫咗店员推介俾我地嘅清酒饮。清酒都好顺喉，几好饮，食物上枱时，碟碟嘅摆盘都好靓好精致，做到好似一件艺术品咁。店员知道我地系share一齐食，有啲食物上枱时店员已经自动分开2份，证明店员都好细心，值得一赞。食物质量同服务质数水准都好好，下次都会再帮衬。