影片
更多
2017-03-10
444 浏览
我哋一行4人，过大海玩下喇有个姊妹话次次来澳门都冇食过翅，就带咗佢哋来福隆新街呢度试下，以往我来就食谭家嘅，佢哋行咗一下决定食呢间官翅睇见个招牌似老字号咪入去试下楼面得一个男人做侍应，见门口同明星合照，估计佢系老板来嘅，过来帮我哋落单我哋已经叫咗最贵果三个160170150最平都叫130蚊嘅，总共4客翅个“老板”就来料喇，似乎唔多妥有一个叫130蚊咁平咁，系都叫我哋叫贵果个靓D我哋打算share食，所以专登叫唔一样嘅试多D，咁佢又冇再出声，但系面口就唔多好睇佢比了一杯杯装饮品我，黑黑哋嘅都唔知咩名堂，落单时又唔知有嘢饮，4个人先比一杯落来，我梗系问佢咩饮品，点解系得我有，佢哋咧？佢嘅回答系:比你饮你就饮喇！！好嘢来咖！我初初以为佢系讲笑，好似我哋香港某些恶老板咁，态度或者唔系十分好，但食物系超水准当我饮咗一啖，我觉得一定唔系囖！甜度爆表，系难饮果只，咩味道都饮唔出，系完全唔想饮第二啖好了，翅来了，卖相都唔错嘅，滚滚哋都几有食欲，食咗几啖，觉得捞饭食都几好于是问“老板”有冇白饭，佢又接得几快:“有！120蚊一碗要唔要，一副玩世不恭的样子讲。咁我又以为佢同我哋讲笑喇，佢接住话，120蚊系用
有个姊妹话次次来澳门都冇食过翅，就带咗佢哋来福隆新街呢度试下，以往我来就食谭家嘅，佢哋行咗一下决定食呢间官翅
睇见个招牌似老字号咪入去试下
楼面得一个男人做侍应，见门口同明星合照，估计佢系老板来嘅，过来帮我哋落单
我哋已经叫咗最贵果三个
160
170
150
最平都叫130蚊嘅，总共4客翅
个“老板”就来料喇，似乎唔多妥有一个叫130蚊咁平咁，系都叫我哋叫贵果个靓D
我哋打算share食，所以专登叫唔一样嘅试多D，咁佢又冇再出声，但系面口就唔多好睇
佢比了一杯杯装饮品我，黑黑哋嘅都唔知咩名堂，落单时又唔知有嘢饮，4个人先比一杯落来，我梗系问佢咩饮品，点解系得我有，佢哋咧？佢嘅回答系:比你饮你就饮喇！！好嘢来咖！
我初初以为佢系讲笑，好似我哋香港某些恶老板咁，态度或者唔系十分好，但食物系超水准
当我饮咗一啖，我觉得一定唔系囖！甜度爆表，系难饮果只，咩味道都饮唔出，系完全唔想饮第二啖
好了，翅来了，卖相都唔错嘅，滚滚哋都几有食欲，食咗几啖，觉得捞饭食都几好
于是问“老板”有冇白饭，佢又接得几快:“有！120蚊一碗要唔要，一副玩世不恭的样子讲。
咁我又以为佢同我哋讲笑喇，佢接住话，120蚊系用咩带子定虾炒嘅饭，要唔要啊，整一碟你哋叹下，白饭？你估我开善堂咖？个个来食碗翅都要白饭我咪蚀死，个个食到饱晒咪唔使叫第样嘢食？系呢度边个咁蠢卖白饭啊，哈哈！”
我哋听到佢嘅回答，当堂都冇心情食喇，讲嘢串到啊妈都唔认得，几个姊妹面都黑晒，一路食一路讲:有你就讲有，冇你可以讲冇，讲咁多嘢做咩，当我哋系咩？以后都唔会再帮衬呢间嘢，未曾试过来澳门有D咁嘅态度，影衰澳门嘅形象
个“老板”一路做嘢就应该听到我哋讲呢D说话喇，开始有点怯，好似想补锅咁，其他食客入来态度转好D，冇咁黑面喇
后来又有一台问佢有冇白饭，佢转咗第二个回答，仲要笑笑口:“呢度冇吖，你哋想要我打电话去外面叫人哋送过来啊”！人哋好似就话唔使了。
我哋食完喇喇声走人了，睇见佢都乞人憎
当我哋一起身走，其中一个姊妹出来门口之后同我讲，话个“老板”马上一个箭步冲去我哋台㑩返杯饮品，其他碗碟都唔收，就㑩杯饮品返厨房，就系我头先饮过果杯超级难饮饮品。仲要好轻佻咁讲:唔饮悭返！
姊妹话睇佢动静觉得佢好有可能系回收返杯嘢比下一个人饮咁当堂想想我头先饮果啖分分钟都有人哋口水，搞到想反胃
总之去澳门以后都唔想来呢间
张贴
