不是葡撻 (已結業)

由于见到有唔少澳门朋友嘅ig都有提及呢间「不是葡挞」，所以今次都记低左要试埋。不是葡挞，顾明思义唔系葡挞，系澳门第一间年轮蛋糕专门店。基本上只有个样可以同葡挞拉上丝微关系，售价比葡挞贵，接近芝士挞嘅价位。店内亦有日式年轮蛋糕出售，包装几靓，可以当手信。芝士年轮蛋糕、葡式年轮蛋糕，各自可选软/硬去到嘅时候并唔需要排队，可能已经出炉一段时间，所以拎上手已经系唔热，反正唔系新鲜热辣，我亦都冇即时食，或许同人地即食会有差异。芝士年轮蛋糕 $22/软 由于硬嘅已经售罄，我只能试到软嘅呢款~法国芝士馅，芝士味唔太突出，加上淡淡柠檬香味，食落唔腻，几清新。至于年轮蛋糕，个人认为普通，印象模糊，成旧野就好似食左件芝士味唔太浓嘅芝士挞 。葡式年轮蛋糕 $18/硬有别芝士馅，呢款用嘅系葡挞嘅手法制作。蛋糕经多层烤焗，饼皮较厚身，但可能我唔呢件唔系刚出炉即食，居然比上面软芝士更食到软蛋糕嘅口感。蛋香唔重，但偏甜。仲要俾个烂鬼纸袋仔痴甩挞皮…可能我期望有少少高左，唔系唔好食，但冇乜特别。始终我唔系热辣辣食，估计点都有多少影响。俾我就宁愿食番芝士挞、传统葡挞澳门特色加上日本风味，夹唔夹见仁见智。