星滙餐廳

营业中

休息中

黎到澳门点少得一家大细食返餐自助餐呢？睇完个水舞间时间岩岩好，一于坐接驳巴士黎到新濠影汇的星汇餐厅刷餐饱！食buffets从来不是求质素，但求是是旦旦应有尽就心满意足，星汇餐厅就绝对系您的最佳选择！平时香港食自助餐似打仗咁款，好大压力，呢度就胜在够大地方，可以一家大细舒舒服服他他条条咁坐响度慢慢叹。虽然呢度一样充斥住好多唔守规矩唔识排队的大妈，但食物补给速度足以驯服果班「饥渴」的大妈。无错，呢度连饮品都系任饮（虽然呢样嘢好基本，果汁亦唔咪咩贵价野，任饮唔单止可以提升顾客满意度，而且可以尽快填饱食客个胃，除笨有精，但偏偏香港酒店想赚到尽的心态，往往响饮品埋手赚多笔，有如杀鸡取卵）食物质素方面，应该有香港五星级酒店（五六旧一位果只）嘅水准，而每位只系收三旧几水，绝对对得起呢个价钱，至于咁抵食当然系为左吸引赌场大豪客黎帮衬，「羊毛出在猪身上」啦，但唔理咁多，朕今晚一于要当个大「蚝」客先。