白日

营业中

休息中

呢间日式cafe空间宽敞，装潢富有艺术气息和设计感，令人一入到就觉得好舒服🥢角落生物蛋包饭🍛系我最钟意嘅日式蛋包饭！鸡蛋金黄色望落非常诱人，职员仲会喺你面前切开，未食已经感受到佢嘅嫩滑； 再配上茄汁炒饭，非常入味，又唔会过酸过甜，另外更配有咖喱汁😍钟意点食都得🥢蚝白汤鱼介乌冬🦪虽然冇真嘅蚝肉喺入边，但系呢个汤底真系惊艳到！非常清新鲜甜，配上爽口弹牙嘅乌冬，冇得输🥢茶寮梳乎厘🥞这道soufflé嘅甜度恰到好处，淡淡嘅甜味同焙茶的香气相得益彰，而且一咬落去空气感满满，系我食过好食嘅梳乎厘之一！另外仲有一球绿茶雪糕，味道甘甜，一啖雪糕一啖梳乎厘，不亦乐乎