紫逸軒

营业中

休息中

澳门第二天，食完自助山，肚饱饱，但都要食lunch，致电8， 玥龙轩，誉龙轩，丽轩，都无位，朋友话全部要预订，只有此处有门口位，当然要。女服务员，十分殷勤有礼，细心温柔，比昨天的淳系好。带子菠菜饺$78,长脚蟹肉豆苗饺$88， 每样两件，高水准， 因朋友唔食得海鲜，侍应说厨师会做素菜饺不在餐牌内，用竹笙包着，类似红菜头汁的皮，卖相特别，友人说深圳四季，同样款式，但绿色波菜饺。要推介 鲍汁煎三皇鸡$298， 半只细鸡，嫩滑不肥，滋味， 煎香又唔会太㶶， 恰到好处， 我唔识食鲍汁， 是否鲍汁效应就不得已知？姜片洋葱， 化学作用提升味道， 佢嘅美味我现在还深深记住！金箔片皮乳猪件6件$238， 金箔即只点缀视觉得靓 名贵，食唔到特别，乳猪片太薄脆，中间夹粉片， 都未认真识得佢 ，转眼就食咗落肚 ，消失无踪！因为唔知餐后有甜品送， 还点了西米蛋挞仔， 西米面层比较腻，送甜品十分正， 红枣糕，莲蓉酥， 红豆椰汁糕， 青甜可口卖相精致，一件件艺术品 真系唔舍得食！